სამოქალაქო განათლების გაკვეთილის გეგმები-თეა ხმალაძე

გაკვეთილის გეგმა

მასწავლებლის სახელი გვარი, პირადი ნომერი: თეა ხმალაძე

საგანი: სამოქალაქო განათლება

სწავლების საფეხური/კლასი: საბაზო/IX  

მოსწავლეთა რაოდენობა: 30

გაკვეთილის თემა: ადგილობრივი თვითმმართველობის აღმასრულებელი და წარმომადგენლობითი ორგანოები

 გაკვეთილის მიზანი: მოსწავლეები იმსჯელებენ  ხელისუფლების დანაწილების მნიშვნელობაზე; განსაზღვრავენ საქართველოს სახელმწიფო მმართველობის სისტემის განვითარების პროცესს; გამიჯნავენ ხელისუფლების შტოებს  და ფუნქციებს საქართველოს კონსტიტუციის მიხედვით; შეძლებენ დემოკრატიული სახელმწიფოს სხვა რეჟიმებთან შედარებას.

განსავითარებელი უნარები: მოსწავლეს განუვითარდება ინფორმაციის ანალიზის, კრიტიკული აზროვნების, ეფექტური კომუნიკაციის და აქტიური მოსმენის უნარ-ჩვევები.

მოსწავლეთა ორგანიზების  ფორმა: ინდივიდუალური და ჯგუფური.

ძირითადი სასწავლო რსურსები: სახელმძღვანელო, მაგნიტური დაფა, ფლიპჩატი, პროექტორი, თაბახის ფურცელი, ცარცი, მარკერი, საწერი კალამი.

შეფასების მეთოდი:  განმსაზღვრელი, მოსწავლეთა ურთიერთშეფასება

მოსწავლეთა ორგანიზების ფორმა: ინდივიდუალური, ჯგუფური

გაკვეთილის ბოლოს მისაღწევი შედეგები- მოსწავლეს ეცოდინება: 1.საქართველოს სახელმწიფო მმართველობის თანამედროვე სისტემა, სტრუქტურა, მისი ნაწილების ფუნქციები და ურთიერთკავშირი; 2. ხელისუფლების შტოები და თითოეულ შტოში შემავალი ერთეულები.

გაკვეთილის მსვლელობა/საკლასო მენეჯმენტი

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
1	აქტივობა-1        მასწავლებელი გაკვეთილს იწყებს საორგანიზაციო საკითხებით: მისალმება, გაკვეთილის თემისა და მიზნის გაცნობა და  შეფასების კრიტერიუმების შეხსენება.	ვერბალური ახსნა	მთელი კლასი	კედლის გაზეთი, შეფასების კრიტერიუმების ცხრილი.	2 წთ
2	აქტივობა-2          მოტივაციის შესაქმნელად და წინარე ცოდნის გასააქტიურებლად მასწავლებელი იყენებს გონებრივ იერიშს.  1. დაასახელეთ და განმარტეთ მმართველობის ფორმები;   2. დაასახელეთ და განმარტეთ პოლიტიკური რეჟიმები; 3.მმართველობის რომელი ფორმაა საქართველოში?	ფრონტალური, კითხვები გონებრივი იერიში.	მთელი კლასი	სახელმძღვანელო-, დაფა, ცარცი.	2 წთ
3	აქტივობა-3             მასწავლებელი power point-ის დახმარებით,   კითხვა-პასუხის რეჟიმში მოკლედ აცნობს მოსწავლეს ხელისუფლების დანაწილების პრინციპს  და ამყარებს კავშირს ისტორიასა და სამოქალაქო განათლებას შორის.   1.შეიძლება თუ არა მმართველობის ფორმას რესპუბლიკური ვუწოდოთ იმ შემთხვევაში, თუკი მას მონარქი მართავს? რატომ? 2. დაასახელეთ მონარქიული მმართველობის ფორმები 3. რას ნიშნავს სამართლებრივი სახელმწიფო? 4.  რა არის სასამართლო? 5. რას უნდა ნიშნავდეს თემიდას ქანდაკება?	მინი-ლექცია ფრონტალური კითხვები	მთელი კლასი	სლაიდ-შოუ, პრეზენტაცია power point-ის დახმარებით	5 წთ
4	აქტივობა-4 ინდივიდუალური მუშაობა ახალი მასალის განმტკიცების მიზნით მასწავლებელი აძლევს მოსწავლეს ინდივიდუალურ სამუშაოს მოკლე ტექსტური დავალების სახით, სადაც ხუთი ფაქტობრივი შეცდომა იქნება დაშვებული და  შეცდომების გასწორების სქემას. დროის ამოწურვის შემდეგ, შემთხვევითი გამოძახების პრინციპით-იძახებს 3  მოსწავლეს  და აფასებს  მათთან ერთად შემუშავებული კრიტერიუმის გამოყენებით. შეფასების დასრულების შემდეგ მასწავლებელი, რომელსაც წინასწარ გამზადებული და გამოკრული აქვს ფლიპჩატი დაფაზე, შერჩევითი გამოძახების პრინციპით გამოჰყავს მოსწავლე, რომელიც  მარკერით ასრულებს დავალებას, დანარჩენები კი ამოწმებენ თავიანთ ნამუშევარს. შეცდომის პოვნა 1 ქულა გასწორება-1 ქულა	ვერბალური ახსნა	ინდივიდუალური მთელი კლასი	თაბახის ფურცელი საწერი კალამი მაგნიტური დაფა, ფლიპჩარტი	10 წთ
5	აქტივობა-5 ჯგუფური მუშაობა დემოკრატიული სახელმწიფოს ძირითადი მახასიათებლის აღქმის და სხვა რეჟიმთან შედარების მიზნით მასწავლებელი კლასს ყოფს ოთხ ჯგუფად,  ურიგებს ჯგუფური მუშაობისთვის განკუთვნილ, წინასწარ მომზადებულ დავალებას  და უხსნის შესრულების ინსტრუქციას. მოსწავლეები ჯგუფებში განიხილავენ, მსჯელობენ, აყალიბებენ აზრს, ნააზრევს აფიქსირებენ ფლიპჩატზე, შეარჩევენ პრეზენტატორს და დროის ამოწურვის შემდეგ აკეთებენ პრეზენტაციას. პრეზენტაციის დასრულებისთანავე მოსწავლეები კლასში წინასწარ შემუშავებული რუბრიკის გამოყენებით ახდენენ ურთიერთშეფასებას.  შემდეგ მასწავლებელი აჯამებს გაკვეთილს და სვამს კითხვას: 1.რა იყო დავალების მიზანი? მოსწავლეები პასუხობენ 2. შეძლეს თუ არა დემოკრატიული სახელმწიფოს ძირითადი მახასიათებლის გაგება? მოსწავლეები პასუხს ასაბუთებენ.	ვერბალური ახსნა	ჯგუფური	თაბახის ფურცელი, საწერი კალამი	20-წთ
6	აქტივობა-6         საშინაო დავალება ახალი ინფორმაციის გაანალიზების მიზნით მასწავლებელი მოსწავლეს აძლევს დავალებას სახლში შესასრულებლად და აცნობს  შესრულების სტრუქტურას: თვალი მიადევნონ სატელევიზიო არხებზე გასულ საინფორმაციო გამოშვებებს და ერთი და იგივე ფაქტი   შეადარონ ერთმანეთს, თუ რამდენად ობიექტური და ტენდენციურია თითოეული არხის მიერ გავრცელებული ინფორმაცია, იმსჯელონ მსგავსება/განსხვავებებზე და დავალება შემდეგ გაკვეთილზე წარმოადგინონ. შერჩეული ტელევიზიები: საზოგადოებრივი მაუწყებელი, რუსთავი 2, იმედი.	ვერბალური ახსნა	ინდივიდუალური	თაბახის ფურცელი	1- წთ

ესგ-ს სტანდარტით განსაზღვრული მისაღწევი შედეგი:

მიმართულება: მდგრადი განვითარება

მოქ.X.7. მოსწავლეს შეუძლია სამოქალაქო საზოგადოების ძირითადი საფუძვლების კვლევა.

·         მონაწილეობს დისკუსიაში – რას ნიშნავს სამოქალაქო საზოგადოება? გამოთქვამს მოსაზრებას პოლიტიკური პარტიების, საზოგადოებრივი ორგანიზაციებისა და მასმედიის როლის შესახებ საქართველოში; ავლებს პარალელებს სხვა ქვეყნებთან.

·         საკუთარ დასახლებაში (რეგიონში) ირჩევს ერთ-ერთ საზოგადოებრივ ორგანიზაციას და მოიძიებს ინფორმაციას მის შესახებ; მსჯელობს ამ ორგანიზაციის შექმნის მიზეზებსა და მიზნებზე;

მიმართულება: თვითმმართველობა და მმართველობა

მოქ.X.9. მოსწავლეს შეუძლია   გაანალიზოს საქართველოში თვითმმართველობისა და სახელმწიფო მმართველობის სისტემის განვითარების პროცესი.

• რომელიმე სამართალდამცავი სახელმწიფო ორგანოს ( მ აგ: პოლიცია, სასამართლო,ს ახალხო დამცველი ან  სხვა)  ან  საზოგადოებრივი  ორგანიზაციის  მაგალითზე განიხილავს მათ უფლებამოსილებას, დანიშნულებას (ან მიზნებს) და საქმიანობას მართლწესრიგის  დაცვაში;  აფასებს  არსებული  პრაქტიკის  ნაკლოვან  და წარმატებულ მხარეებს; 
• დროის სკალაზე აღნიშნავს საქართველოს სახელმწიფო მმართველობის განვითარებისთვის რამდენიმე (3-5) მნიშვნელოვან მოვლენას; მსჯელობს თითოეული მოვლენით გამოწვეულ შედეგებზე; ავლებს პარალელებს იმავე პერიოდის სხვა სახელმწიფოებთან (მაგ.: მეზობელი ქვეყნები, ევროპა, ახლო აღმოსავლეთი, აღმოსავლეთ აზია ან ამერიკა);

მოქ.X.11. მოსწავლეს შეუძლია გაანალიზოს მოქალაქეების როლი ქვეყნის დემოკრატიაში.

·         საქართველოს ან სხვა ქვეყნის ისტორიიდან ასახელებს მოვლენებს, როდესაც სახელმწიფო მმართველობაში ცვლილებები მოხდა საზოგადოების ზეგავლენით; აფასებს ამ მოვლენების შედეგებს დემოკრატიის მშენებლობაში წინსვლის (ან უკუსვლის) თვალსაზრისით;

·         საქართველოს კონსტიტუციაში მოიძიებს მუხლებს, რომლებიც საქართველოს მოქალაქეთა საარჩევნო უფლებებს ეხება; მათი გაანალიზების საფუძველზე მსჯელობს მათ შესაბამისობაზე დემოკრატიული და სამართლიანი არჩევნების პრინციპებთან (მაგ.: საყოველთაობა, პირდაპირობა, კენჭისყრის ფარულობა, თანასწორობა); საკუთარი სკოლის, დასახლების ან რეგიონის მაგალითზე აფასებს სხვადასხვა საარჩევნო (მაგ.: მაჟორიტარული, პროპორციული და ა.შ.) სისტემებს მოქალაქის უფლებების დაცვის პოზიციიდან;

                                

      მოსწავლის ინდივიდუალური სამუშაო ფურცელი

            ყურადღებით წაიკითხეთ ტექსტი, იპოვეთ და გაასწორეთ შეცდომები

                                            ხელისუფლების  დანაწილება

      ხელისუფლების დანაწილების პრინციპი ნიშნავს, როდესაც ის გადანაწილებული აქვთ პარლამენტს, მთავრობას და სასამართლოს. პარლამენტი ახორციელებს მართლმსაჯულებას, მთავრობა- საკანონმდებლო საქმიანობას და სასამართლო- აღმასრულებელ საქმიანობას. სამივე ხელისუფლება თანაბრად დამოუკიდებელია საკუთარი კომპეტენციის ფარგლებში და კონტროლს უწევს დანარჩენ ორ ხელისუფლებას.  

     საქართველოს პრეზიდენტი არის საქართველოს მთავრობის მეთაური. საქართველოს პრეზიდენტი აირჩევა საყოველთაო, თანასწორი და პირდაპირი საარჩევნო უფლების საფუძველზე, ფარული კენჭისყრით ოთხი წლის ვადით. ერთი და იგივე პირი პრეზიდენტად შეიძლება აირჩეს ზედიზედ მხოლოდ ორჯერ.

ინსტრუქცია: 1.თითოეული  შეცდომის პოვნა ფასდება 1 ქულით

                       2. მართებულად გასწორებული ფასდება 1 ქულით

შეცდომა	უნდა იყოს

                                   

                                  განმსაზღვრელი  შეფასების  კრიტერიუმები

10 ქულა	9 ქულა	8 ქულა	7 ქულა	6 ქულა	5 ქულა	4 ქულა	3 ქულა	2 ქულა	1 ქულა
5 შეცდომის პოვნა და გასწორება	4-5 შეცდომის პოვნა და გასწორება	4 შეცდომის პოვნა და გასწორება	3-4   შეცდომის პოვნა და გასწორება	3 შეცდომის პოვნა და გასწორება	2-3 შეცდომის პოვნა და გასწორება	2 შეცდომის პოვნა და გასწორება	1-2 შეცდომის პოვნა და გასწორება	1 შეცდომის პოვნა და გასწორება	1 შეცდომის პოვნა

          ჯგუფში  მუშაობისთვის განკუთვნილი დავალება

                     შექმენი დემოკრატიული სახელმწიფო

სავარჯიშოს შესრულების ინსტრუქცია: წარმოიდგინეთ, რომ აყალიბებთ დემოკრატიულ სახელმწიფოს, თქვენ დაგევალათ იმ ძირითადი პრინციპებისა და ნიშნების ამორჩევა, რომელზედაც თქვენი სახელმწიფო უნდა იდგეს. წაიკითხეთ ქვემოთ მოცემული დებულებები და ამოარჩიეთ დემოკრატიული სახელმწიფოსათვის აუცილებელი, რელევანტური(მნიშვნელოვანი) თეზები. პასუხი დაასაბუთეთ. იმსჯელეთ, რატომ არ აირჩიეთ სხვა დებულებები. სურვილის შემთხვევაში შეგიძლიათ დაამატოთ თქვენი პრინციპებიც.

ნახატის სახით შექმენით დროშა, გერბი ან სიმბოლო.

·         პარლამენტს აკომპლექტებს  პრეზიდენტი;

·         ხელისუფლების წყაროა მთავრობა;

·         ხელისუფლება სრულად ეკუთვნის პრეზიდენტს;

·         პრეზიდენტი ერთდროულად არის სახელმწიფოსა და აღმასრულებელი ხელისუფლების მეთაური;

·         დისკრიმინაცია აკრძალულია;

·         მასობრივი ინფორმაციის საშუალებებზე დაწესდეს ცენზურა;

·         ხმის მიცემის უფლება მხოლოდ ქვეყნის მოქალაქეებს აქვთ;

·         ხელისუფლება დაყოფილია 3 შტოდ:საკანონმდებლო, აღმასრულებელი და სასამართლო ხელისუფლება. თითოეული მათგანი დამოუკიდებელია თავის საქმიანობაში;

·         სასამართლო ექვემდებარება მონარქს;

·         არჩევნები უნდა იყოს საყოველთაო, თანასწორი, პირდაპირი და ფარული;

·         ქვეყანაში ფუნქციონირებს ერთი მმართველი პარტია;

·         ხელისუფლების წყაროა ხალხი;

·         აკრძალულია სხვა რელიგია, გარდა სახელმწიფო რელიგიისა;

·         არჩევნებში ონაწილეობის უფლება აქვთ 18-დან 80 წლამდე მოქალაქეებს

მოსწავლეთა ურთიერთშეფასების რუბრიკა
ჯგუფები	რომელი                     პრეზენტაცია მოგეწონა ყველაზე მეტად?	რატომ მოგეწონა?	რა დაგამახსოვრდა ამ პრეზენტაციიდან?
1.
2.
3.
4.

      ხელისუფლების დანაწილების თეორიის ავტორი

                            შარლ ლუი დე მონტესკიე

                                             (1689-1755წ.წ.)

საქართველოს სახელმწიფოს ხელისუფლება

პარლამენტი საკანონმდებლო   ხელისუფლება

პრეზიდენტი

 

სასამართლოები                   სასამართლო ხელისუფლება

მთავრობა   აღმასრულებელი ხელისუფლება

 

                                                                                                                        

                                                                                                                       

                                       სასამართლო

საკონსტიტუციო სასამართლო

საერთო სასამართლოები

საკონსტიტუციო სასამართლო

უზენაესი               სასამართლო

საქალაქო/რაიონული სასამართლო

სააპელაციო                                  სასამართლო

ხელისუფლება

                               სამართლიანობის ქალღმერთის

                                          თემიდას ქანდაკება

                                                  

                                                                                                        9.06.2018 წ.

                                                                                                         თ.ხმალაძე

გაკვეთილის გეგმა

მასწავლებლის სახელი გვარი, პირადი ნომერი: თეა ხმალაძე/40001007225

საგანი: სამოქალაქო განათლება

სწავლების საფეხური/კლასი: საშუალო/X  

მოსწავლეთა რაოდენობა: 30

გაკვეთილის თემა:  გაერო და საერთაშორისო სამართლებრივი დოკუმენტები

გაკვეთილის მიზანი: მოსწავლეები იმსჯელებენ  საერთაშორისო სამართლის არსსა და მნიშვნელობაზე. განასხვავებენ სხვადასხვა ტიპის საერთაშორისო სამართლის დოკუმენტებს. განსაზღვრავენ კონსტიტუციის არსს და გაიაზრებენ მის მნიშვნელობას სახელმწიფოს ფუნქციონირებისათვის. შეძლებენ იმ უფლების გააზრებას, რომლებიც მათ ყოველდღიურ ცხოვრებაში სამართლიან და თავისუფალ არსებობას განაპირობებს.

ესგ-ს სტანდარტით განსაზღვრული მისაღწევი შედეგი:

 მიმართულება: თვითმმართველობა და მმართველობა

მოქ.X.9. მოსწავლეს შეუძლია გაანალიზოს საქართველოში თვითმმართველობისა და სახელმწიფო მმართველობის სისტემის განვითარების პროცესი.

• მსჯელობს საქართველოს დემოკრატიული რესპუბლიკისა და I კონსტიტუციისმნიშვნელობაზე თანამედროვე ქართული სახელმწიფოსთვის; ასახელებს კონსტიტუციური მემკვიდრეობითობის დამადასტურებელ ფაქტებს დააანალიზებს ცვლილებებს (მაგ.: სახელმწიფო მოწყობა, მმართველობა, საარჩევნო სისტემა და ა.შ.); ავლენს საკუთარ დამოკიდებულებას მომხდარი ცვლილებების მიმართ;
• საქართველოს მოქმედი კონსტიტუციის განხილვისას მსჯელობს მისი მიღების წინაპირობებსა და შედეგებზე; საკუთარ მოსაზრებებს ჩამოწერს ცხრილის სახით;

მოქ.X.11. მოსწავლეს შეუძლია გაანალიზოს მოქალაქეების როლი ქვეყნის დემოკრატიაში.

მოსწავლეთა ორგანიზების ფორმა:

• მსჯელობს საქართველოს კონსტიტუციით მინიჭებულ უფლებებსა დამოვალეობებზე და ადამიანის უფლებების საერთაშორისო დეკლარაციითმინიჭებულ უფლებებსა და მოვალეობებზე და ადარებს მათ;
• ახასიათებს დემოკრატიის ძირითად პრინციპებს და უკავშირებს მათ ადამიანისუფლებებსა და მოვალეობებს; საკუთარ მოსაზრებას ასაბუთებს მისთვის ცნობილისაერთაშორისო დოკუმენტების დებულებების მეშვეობით (მაგ.: ადამიანისუფლებათა საყოველთაო დეკლარაცია, ადამიანის უფლებათა ევროპულიკონვენცია, ბავშვთა უფლებების დაცვის კონვენცია და სხვა);
• ირჩევს მნიშვნელოვან მოვლენას საზოგადოებრივ-პოლიტიკური ცხოვრებიდან დათანაკლასელების ჯგუფთან ერთად განიხილავს ამ მოვლენაში ადამიანთა მონაწილეობის მოტივაციას, შესაძლებლობებსა და ხარისხს; შესაბამისი სამართლებრივი დოკუმენტების ანალიზის საფუძველზე წერს რეკომენდაციებს საზოგადოებრივი თანამონაწილეობის წასახალისებლად;

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
1	აქტივობა-1        მისალმება, გაკვეთილის თემისა და მიზნის გაცნობა; შეფასების ფორმებისა და კრიტერიუმების მკაფიოდ გაცნობა.	ვერბალური ახსნა	მთელი კლასი	კედლის გაზეთი, შეფასების კრიტერიუმების ცხრილი.	2 წთ
2	აქტივობა-2         1.მოტივაციის შექმნა და წინარე ცოდნის გააქტიურება კითხვების საშუალებით: 1.რა არის უფლებაუნარიანობა? 2. როდის დგება ადამიანის უფლებაუნარიანობა? 3. რა არის ქმედუნარიანობა? 4. რას ნიშნავს იყო ქმედუნარიანი? რას ნიშნავს ემანსიპაცია? 2. გონებრივი იერიშის რუკის გამოყენებით მასწავლებელი წერს  სიტყვას „საერთაშორისო ორგანიზაცია“ და თითოეული მოსწავლის მოსაზრებას აფიქსირებს დაფაზე.	ფრონტალური, კითხვები გონებრივი იერიში.	მთელი კლასი	სახელმძღვანელო, დაფა, ცარცი.	3 წთ
3	აქტივობა-3              ახალი მასალის ახსნა: მასწავლებელი მოკლედ აცნობს მოსწავლეს გაეროს შექმნის ისტორიას, ძირითად საერთაშორისო დოკუმენტებს და საქართველოს შიდასახელმწიფოებრივაქტებს ადამიანის უფლებათა შესახებ.	მინი-ლექცია	მთელი კლასი	სლაიდ-შოუ, პრეზენტაცია power point-ის დახმარებით	7 წთ
4	აქტივობა-4 მასწავლებელი ატარებს მონიტორინგს, თუ როგორ გაიგეს ახალი მასალა და მიმართავს „კითხვა-პასუხის“ მეთოდს, წინასწარ მომზადებული რესურსის, „შეკითხვების ყუთის“ გამოყენებით,  აძლევს ინსტრუქციას, „ყუთიდან“ ამოიღონ თითო შეკითხვა, გაიაზრონ მეწყვილესთან ერთად და წარმოადგინონ პასუხი. კითხვები: 1.რომელ წელს იქნა რატიფიცირებული  გაერთიანებული ერების ორგანიზაციის წესდება? 2.რა ეწოდება 1948 წლის 10 დეკემბერს მიღებულ უმნიშვნელოვანეს დოკუმენტს?  3. ვის სახელს უკავშირდება ადამიანის უფლებათა საყოველთაო დეკლარაციის მიღება? 4. რომელ წელს გახდა საქართველო გაეროს წევრი?  5.რას ეწოდება პოლიტიკური იზოლაცია? 6. რას ნიშნავს პეტიცია? 7. რომელ წელს მიიღოეს ინგლისის პეტიცია უფლებათა  შესახებ? 8 რას ნიშნავს სიტყვასიტყვით „ჰაბეას კორპუსი“? 9. 1678 წლის ჰაბეას კორპუსის აქტით  რა ენიჭებოდა სასამართლოს? 10. რას ნიშნავს რატიფიცირება? 11. რომელ წელს მიიღეს პირველი კონსტიტუცია და რამდენი დღე იარსება? 12. რომელ წელს მიიღეს დღევანდელი მოქმედი კონსტიტუცია და ვინ მოახდინა რატიფიცირება? 13. რომელია ყველაზე მნიშვნელოვანი დოკუმენტი ევროპის რეგიონისთვის? 14. რომელ წელს მიიღეს ამერიკის შეერთებული შტატების კონსტიტუცია? 15.სად მდებარეობს გაეროს შტაბბინა? 16.რა სანქციას დააკისრებენ იმ ქვეყანას, რომელიც დაარღვევს საერთაშორისო სამართლებრივ ნორმებს, მაგ: აგრესიას გამოავლენს?	ფრონტალური კითხვები	წყვილები, ჯგუფები, მთელი კლასი.	„შეკითხვების ბანკი“, ფერადი ფურცლები.	6 წთ
5	აქტივობა-5            ჯგუფური მუშაობა- “გამოსცადე შენი თავი“. მოსწავლეები წინასწარ მომზადებულ ცხრილში, რომელიც თვალსაჩინო ადგილას იქნება გაკრული, (კედლის ცხრილის იდენტური მოსწავლეებს ჯგუფებშიც დაურიგდებათ) ადამიანის უფლებათა საყოველთაო დეკლარაციის და საქართველოს 1921 წლის კონსტიტუციის მუხლებს დაუკავშირებენ თემატიკას და ცხრილში შესაბამის ადგილას განათავსებენ.  (კონსტიტუციის მუხლები წინასწარ იქნება დაწერილი ფერად წებოვანებზე და მოსწავლეებს დაურიგდებათ ჯგუფებში. I ჯგუფი-წითელი, II  ჯგუფი-ყვითელი, III ჯგუფი-მწვანე, IV  ჯგუფი-ვარდისფერი, V ჯგუფი-ლურჯი)	პრეზენტაცია	ჯგუფური	სლაიდ-შოუ, პრეზენტაცია power point-ის დახმარებით, ფორმატის ქაღალდი, ფერადი წებოვანები, თაბახის ფურცელი.	7 წთ
6	აქტივობა-6      ჯგუფების მიერ შესრულებული სამუშაოს შესაძლო შეცდომების გამოვლენა და გასწორება. მოსწავლეები სლაიდის დახმარებით არკვევენ და აზუსტებენ ჯგუფური დავალების სისწორეს და ახდენენ დაშვებული შეცდომის გასწორებას.   მასწავლებელი გაკვეთილის მსვლელობის დროს აწარმოებს ჯგუფის მუშაობაზე დაკვირვებას და მიმართავს განმავითარებელ შეფასებას ჯგუფური მუშაობის რუბრიკის გამოყენებით.	პრეზენტაცია	ჯგუფური	სლაიდ-შოუ, პრეზენტაცია power point-ის დახმარებით, თაბახის ფურცელი, კედლის გაზეთი, ფერადი წებოვანები.	7 წთ
7	აქტივობა-7  მასწავლებელი ახდენს უკუკავშირს, რა იყო  მიზანი, დაძლიეს თუ არა ახალი მასალა და იყენებს გამოკითხვის მეთოდს: “რა გავიგე“.  ყველა მოსწავლეს გადასცემს წინასწარ მომზადებულ  „ქეისს“, რომელშიც განთავსებული იქნება ბარათი. მოსწავლე წერს ბარათზე, რა გაიგო, რა მიაქვს მას ამ გაკვეთილიდან, შემდეგ თავის დაწერილს წაიკითხავს და ბარათს დააბრუნებს ქეისში, რომელიც სამახსოვრო იქნება თითოეული მოსწავლისთვის.	კითხვა-რა გავიგე?	ინდივიდუალური	ფორმატის ქაღალდი, ქეისი,  ბარათი.	5 წთ
8	აქტივობა-8            საშინაო დავალება. მასწავლებელი აცნობს წინასწარ მომზადებულ და ამობეჭდილ  სიტუაციურ ამოცანას-„დავითის ერთი დღე“, უხსნის შესრულების ინსტრუქციას და გადასცემს ყველა მოსწავლეს შესასრულებლად.	ვერბალური ახსნა	ინდივიდუალური	თაბახის ფურცელი	3 წთ

შეფასება: ჯგუფური მუშაობის შეფასების რუბრიკა

(მოსწავლის შეფასების კრიტერიუმები ან/და რუბრიკები თან უნდა ერთვოდეს გეგმას)

                         ჯგუფის მუშაობის შეფასების სქემა

კრიტერიუმები	ჯგუფის მუშაობა წარუმატებელია. ჯგუფის წევრები ვერ აკავშირებენ სამართლებრივი დოკუმენტების მუხლებს თემატიკასთან.	ჯგუფის მუშაობა დამაკმაკოფილებელია. ჯგუფის წევრები ნაწილობრივ აკავშირებენ სამართლებრივი დოკუმენტების მუხლებს თემატიკასთან.	ჯგუფის მუშაობა წარმატებულია. ჯგუფის წევრები უშეცდომოდ  აკავშირებენ სამართლებრივიდოკუმენტების მუხლებს თემატიკასთან.
ჯგუფის წევრების ჩართულობა მუშაობაში	ყველა წევრი არ არის ჩართული. ჯგუფის წევრი არ არის ჩართული ჯგუფისთვის მიცემული დავალებების შესრულებაში.	უმრავლესობა ჩართულია ჯგუფის წევრი ნაწილობრივ არის ჩართული  ჯგუფისთვის მიცემული დავალებების შესრულებაში.	ყველა ჩართულია ჯგუფის წევრი  ჩართულია ჯგუფისთვის მიცემული დავალებების შესრულებაში.
ურთიერთმოსმენისადა აზრის გაზიარების უნარი	კამათობენ,არ უსმენენ ერთმანეთს და არის ხმაური, არ იზიარებენ ერთმანეთის აზრს	ხმაურობენ, ნაკლებად იზიარებენ ერთმანეთის აზრს	უსმენენ ერთმანეთს და იზიარებენ ერთმანეთის აზრს
ინსტრუქციის მიხედვით მუშაობა	ზუსტად ვერ მიყვებიან ინსტრუქციას	ნაწილობრივ მოყვებიან ინსტრუქციას	მუშაობენ ინსტრუქციის მიხედვით
დროის ლიმიტის დაცვა	ვერ ეტევიან განსაზღვრულ დროში	უმნიშვნელოდ გააცდინეს დრო	დაიცვეს დროის ლიმიტი

მოსწავლის თვალსაჩინოებისთვის განკუთვნილი და ჯგუფური მუშაობის       სამაგიდო ცხრილი

საერთაშორისო და კონსტიტუციური კანონები თემატიკა	ადამიანის უფლებათა საყოველთაო დეკლარაცია(1948წ)	საქართველოს კონსტიტუცია(1921წ)
თანასწორობა კანონის წინაშე
სიცოცხლის უფლება
თავისუფლების აღკვეთის შემთხვევა
საცხოვრებელი ბინისა და კორესპონდენციის კონფიდენციალობა
საცხოვრებლისა და თავისუფლად გადაადგილების უფლება
აზრის, სინდისის, აღმსარებლობისა და რწმენის თავისუფლება
ქორწინების უფლება

                            მონიტორზე საჩვენებელი  ცხრილი

საერთაშორისო და კონსტიტუციური კანონები თემატიკა	ადამიანის უფლებათა საყოველთაო დეკლარაცია(1948წ)	საქართველოს კონსტიტუცია(1921წ)
თანასწორობა კანონის წინაშე	ყველა ადამიანი თავისი ღირსებითა და უფლებებით თავისუფალი და თანასწორი იბადება. მათ მომადლებული აქვთ გონება და სინდისი და ერთმანეთს ძმობის სულისკვეთებით უნდა ეპყრობოდნენ.                   მუხლი 1	მოქალაქენი კანონის წინაშე ყველანი თანასწორნი არიან.                                მუხლი 16
სიცოცხლის უფლება	ყოველ ადამიანს აქვს სიცოცხლის, თავისუფლებისა და პირადი ხელშეუხებლობის უფლება.                     მუხლი 3	სიკვდილით დასჯა გაუქმებულია.                                მუხლი 19
თავისუფლების აღკვეთის შემთხვევა	ყოველ ადამიანს, სადაც უნდა იმყოფებოდეს, აქვს უფლება ცნონ მისი სამართალსუბიექტობა.                      მუხლი 6	არ შეიძლება დასჯილ იქნეს სხვაფრივ, თუ არ სასამართლოს წესით.                                  მუხლი 20
საცხოვრებელი ბინისა და კორესპონდენციის კონფიდენციალობა	არავინ არ უნდა განიცადოს მის პირად და ოჯახურ ცხოვრებაში თვითნებური ჩარევა, მისი საცხოვრებელი ბინის შეუვალობის, მისი კორესპონდენციის საიდუმლოების ან მისი ღირსებისა და რეპუტაციის თვითნებური ხელყოფა.                       მუხლი 12	ყოველი მოქალაქის ბინა შეუვალია; მხოლოდ სასამართლოს დადგენილებით შეიძლება მისი გაჩხრეკა კანონით გათვალისწინებულ შემთხვევაში.                                     მუხლი 28
საცხოვრებლისა და თავისუფლად გადაადგილების უფლება	ყოველ ადამიანს აქვს უფლება თავისუფლად იცვლიდეს ადგილსამყოფელს და ირჩევდეს თავის საცხოვრებელ ადგილს ყოველი სახელმწიფოს ფარგლებში.                           მუხლი 13	ყოველი მოქალაქე მიმოსვლასა და ბინადრობის არჩევაში სრულიად თავისუფალია; ამ უფლების შეზღუდვა მხოლოდ სასამართლოს გადაწყვეტილებით შეიძლება.                                      მუხლი 30
აზრის, სინდისის, აღმსარებლობისა და რწმენის თავისუფლება	ყოველ ადამიანს აქვს აზრის, სინდისისა და რელიგიის თავისუფლების უფლება; ეს უფლება შეიცავს თავისუფლებას შეიცვალოს თავისი რელიგია და მრწამსი, როგორც ერთპიროვნულად, ისე სხვებთან ერთად, საჯაროდ თუ კერძოდ წესით მოძღვრებაში და რელიგიურ რიტუალურ წესჩვეულებათა შესრულებაში.                               მუხლი 18	ყოველ მოქალაქეს უფლება აქვს სიტყვით, ბეჭვდით ან სხვა რამ ღონისძიებით თავისი აზრები გამოთქვას და გაავრცელოს მთავრობის წინასწარ ნებადაურთველად, ყოველი დანაშაულისათვის, რომელსაც იგი ასეთ შემთხვევაში ჩაიდენს, პასუხს აგებს მხოლოდ სასამართლოს წინაშე.                                        მუხლი 32
ქორწინების უფლება	სრულასაკოვან მამაკაცებსა და ქალებს აქვთ უფლება რასის, ეროვნების ან რელიგიის ნიშნით რაიმე შეზღუდვის გარეშე დაქორწინდნენ და შექმნან ოჯახი. ისინი სარგებლობენ ერთნაირი უფლებით შეუღლებისას, ქორწინებაში ყოფნის დროს და განქორწინებისას.                                 მუხლი 16	ქორწინება ემყარება უფლებრივ თანასწორობასა და ნებაყოფლობას... ქორწინების გარეშე და ქორწინებაში შობილი უფლებით და მოვალეობით თანასწორნი არიან...                                      მუხლი 40

                                            საშინაო დავალების ფურცელი 

 რომელი უფლების გამოყენებას აქვს ადგილი-დავითის ერთი დღე

სავარჯიშოს მიზანი: მოსწავლემ შეძლოს იმ უფლების გააზრება, რომლებიც მათ ყოველდღიურ ცხოვრებაში სამართლიან და თავისუფალ არსებობას განაპირობებს.

ინსტრუქცია მოსწავლისათვის: წაიკითხეთ ქვემოთ მოცემული ისტორია-"დავითის ერთი დღე" და განსაზღვრეთ ქვემოთ ჩამოთვლილი რა უფლებების რეალიზაციას აქვს ადგილი ამ ერთი დღის განმავლობაში და რაში გამოიხატება აღნიშნული.

       16 წლის დავითისათვის ერთ-ერთი რიგითი ორშაბათი დღე გათენდა. ის, ჩვეულებისამებრ, მოწესრიგდა, ოჯახის წევრებს დაემშვიდობა და სკოლისაკენ გაემართა. სკოლაში 6 გაკვეთილს დაესწრო და შეთანხმებისამებრ, გაკვეთილების შემდეგ, თავის მეგობრებთან ერთად 1 საათიანი მშვიდობიანი აქცია მოაწყო, სახელწოდებით "ცხოველები შველას ითხოვენ" (დავითს და მის მეგობრებს ამავე სახელწოდებით საზოგადოებრივი გაერთიანება აქვს ჩამოყალიბებული). ერთ-ერთი არხის კორესპონდენტმა, მას, როგორც აქციის ორგანიზატორს, ინტერვიუც ჩამოართვა. დავითმა ჟურნალისტს განუცხადა, რომ ორი თვის წინ უპატრონო ძაღლებთან და მათ მდგომარეობასთან დაკავშირებით თბილისის მერიისგან ოფიციალური მონაცემები გამოითხოვა. დავითის თქმით, ცხოველების მდგომარეობა სავალალოა, რის შესახებაც მან ორი კვირის წინ საგაზეთო სტატიაც კი დაბეჭდა ერთ-ერთ პერიოდულ გამოცემაში. აქციაზე მოსწავლეებმა ცხოველთა გაუსაძლისი მდომარეობის თემატიკაზე თავიანთი შესრულებული ნახატებიც გამოფინეს. აქციის დასრულების შემდეგ, დავითი საჯარო ბიბლიოთეკისკენ გაემართა, სადაც ის ყოველდღე (შაბათ-კვირის გარდა), გაკვეთილების შემდეგ საღამოს 6 საათამდე, ბიბლიოთეკარის დამხმარედ მუშაობს. სახლში მისულმა დავითმა, საღამოს 9 საათზე, ერთ-ერთ ტელეარხზე საინფორმაციო გამოშვებას უყურა. სიუჟეტი სასჯელაღსრულების დაწესებულებებში მყოფი პირების მდგომარეობას შეეხებოდა. ჟურნალისტის კვლევა აჩვენებდა, რომ ამ ტიპის დაწესებულებებში მყოფ ადამიანებზე ფიზიკური და ფსიქიკური ზეწოლა აღარ ხდება. დავითი კმაყოფილია საკუთარი თავით, მიაჩნია, რომ დღემ ნაყოფიერად ჩაიარა. დღის დასრულებამდე მან კიდევ ერთი სასიამოვნო ამბავი შეიტყო, მამამ მას ერთკვირიანი საგზური აჩუქა რომის მიმართულებით. ასე, რომ ზაფხულში ოჯახთან ერთად იტალიაში იმოგზაურებს.

უფლებები და თავისუფლებები-სიცოცხლის უფლება; პატივისა და ღირსების უფლება; თავისუფალი გადაადგილების უფლება; საკუთრების უფლება; შეკრებისა და მანიფესტაციის უფლება; განათლების უფლება; გაერთიანების უფლება; ჯანმრთელობის დაცვის უფლება; ინფორმაციის თავისუფლება; პირადი ცხოვრების ხელშეუხებლობის უფლება; სინდისის, აღმსარებლობის და რწმენის თავისუფლება; ოჯახის დაცვის უფლება; სასამართლო წესით დაცვის უფლება; უდანაშაულობის პრეზუმცია.